Шампионатот во Формула Е полека се ближи кон крајот, а синоќа се одржа трката во Сеул на која беше забележан голем инцидент.
Имено, трката беше прекината кога дури 8 билиди за само неколку секунди завршија во оградата.
Норман Нато, Ник Касиди, Ник де Врис, Себастјан Буеми, Андре Лотерер, Оливер Аскју, Ден Тиктум и Оливер Турвеј изгубија контрола над своите болиди на излезот од 20-тиот свиок и се забија во оградата.
Најлошо мина Де Врис, кој удри во болидот на Буеми и го качи врз својот.
Раководството на трката покажа црвени знамиња, а по продолжувањето на трката славеше Мич Еванс и колку-толку остана во трка за шампионската титула.
Денеска се вози втората трка, воедно и последна оваа сезона во Формула Е, а Стофел Вандорне треба да заврши меѓу седумте најдобри за да стане шампион.
