Италијанските видови паста не се тешки за правење, но готвачите ги истакнаа најчестите грешки што ги прават луѓето поради кои пастата нема доволно добар вкус.
Никогаш не ги плакнете тестенините по варењето бидејќи ќе го измиете и скробот кој дозволува сосот да се залепи на нив. Така од старт ќе им го расипете вкусот.
Погрешно е и да се додаде премногу масло, поради што сосовите не можат да ги задржат своите својства и вкусови. Сосот често е предизвик за многумина, бидејќи може да испадне премногу воден или премногу густ.
Италијанците претпочитаат мала количина наместо да ги потопат тестенините во сос. Готвачката Роберта Д'Елиа, исто така, го наведе како грешка фактот дека многумина подготвуваат премногу големи порции.
„Важно е да се грижите за порциите. Додадете 100 грама паста во 1 литар врела вода. Така ќе го задржите тој ал денте вкус“, советува таа.
Исто така, треба често да ги проверувате тестенините за да не се преварат и да не добијат блуткав вкус.
