Некогаш воена база во Јужна Дакота, денес најголема заедница на подземни бункери во светот. Станува збор за амбициозниот проект Vivos xPoint, кој нуди спас од апокалипса.
Поразот на изборите и пандемијата на коронавирусот ја зголемија побарувачката за подземни бункери, подготвени за Судниот ден. Ова го тврди Роберт Винчино, кој пред 10 години го започна овој проект.
Станува збор за некогашна американска база која брои 575 единици од бетон, секој бункер има 200 квадрати и доволно резерви за година дена живот.
Базата е оддалечена 5 км од најблискиот пат, а за нејзината безбедност се грижат професионалци. Изнајмување на бункер чини 42.000 долари.
Компанијата тврди дека во последната година бизнисот се зголемил за 500%, пишува Metro.
На почетокот на април, Винчини тврдеше дека бункерите во време на пандемија може да бидат најбезбедното место во светот.
„Кога луѓето ќе останат без пари, ќе почнат да бараат храна. Тогаш настануваат проблеми. Vivos е тврдина која ќе ве штити и од анархисти и скитници“, истакна тој.
Покрај простор за спиење и дневен престој, во бункерот има и спа-центар, теретана, затворен базен. Базата има самостоен систем за производство храна.
Изгледа дека апокалипсата е добар извор за заработка, нели?
