Вака подготвените урми ќе бидат совршен посен десерт, а многу лесно се прават.
За посните слава и именден Свети Никола се знае што се става на трпезата. Но, не значи дека не смеете да ја разбиете монотонијата од едните исти јадења збогатувајќи ја со малку поинакви посни јадења кои ќе ја направат трпезата поинтересна за гостите. Сникерс урмите се совршен десерт токму за оваа пригода.
Потребни состојки:
- 10 урми
- 3 лажици путер од кикиритки
- 2 лажици кикиритки
- 90 гр темно посно чоколадо
- 2 лажички кокосово масло
- крупна сол за посипување
Подготовка:
Обложете плех или чинија со хартија за печење и оставете го на страна. Потоа, со помош на остар нож, пресечете ја секоја урма (но не до крај) и извадете ја семката. Исечкајте ги кикиритките, како и чоколадото. Наполнете ја секоја урма со една лажичка путер од кикиритки (со помош на лажица или кесичка) и посипете со сечкани кикиритки.
Затворете ги урмите, прицврстете ги со чепкалка за заби. Потоа на пареа растопете ги чоколадото и кокосовото масло. Со помош на чепкалка за заби, потопете ја секој урма во смесата од растопено чоколадо, исцедете го вишокот, а потоа ставете ги урмите покриени со чоколадо на обложениот плех за колачи.
Полнетите урми по желба украсете ги со крупна сол. На крај префрлете го плехот во фрижидер за да се стегне чоколадото.
