Телешкото печено месо со моркови е идеално за студените денови и празничните прослави.
Потребни состојки:
- 1½ кг телешка плешка без коски
- 3 чешниња лук
- грст мајчина душица
- 1 лажица масло
- 25 гр путер
- 800 гр моркови
- 1 голем кромид, сецкан
- прстофат шеќер во прав
- кора од 1 портокал, дел исечкана на ленти, дел изрендана
- 150 мл бело вино
- 350 мл пилешки булјон
Подготовка:
Загрејте ја рерната на 180 степени. Наполнете ги процепите на телешкото со ситно сечкан лук и мајчина душица, а потоа добро зачинете. Загрејте ги маслото и путерот во длабок огноотпорен сад и нежно пропржете го телешкото месо 15 минути додека не порумени.
Тргнете го телешкото во чинија, во садот ставете ги морковот, кромидот и шеќерот во прав, па пржете 5 минути додека сè малку да се карамелизира. Извадете го морковот, но се останато оставете во садот. Додадете го остатокот од мајчината душица, преостанатиот лук и исечканата кора од портокал. Вратете го телешкото во огноотпорниот сад и прелијте го со виното, па со булјонот.
Покријте и ставете во рерна 1 час. Извадете ја тавата од рерната, откријте ги и расфрлете ги морковите околу месото. Садот вратете го во рерна 1 час, непокриен. Печете додека месото не омекне, па оставете го малку да се излади. Префрлете го месото на даска за сечење и исечете го на коцки. Послужете со сокови од садот и меки моркови.
