Апликацијата Google Maps на своите корисници им нуди нова опција, односно им помага да најдат каде го паркирале автомобилот.
Опцијата прво беше дел од бета верзијата на Google Maps од март годинава и тоа само за корисниците на оперативниот систем Android, a сега е на располагање на сите корисници на уреди со Android и iOS.
За да ја активирате опцијата на Android треба да ја допрете сината точка на дисплејот и да изберете "Save your parking", а потоа ќе се појави ознака на мапата што ја покажува локацијата на паркираниот автомобил.
Може да додадете и потсетник, односно попрецизни инструкции за подоцна, да поставите тајмер со 15-минутно потсетување, да ја пратите локацијата на автомобилот на пријатели, како и да ја зачувате фотографијата на местото каде е паркиран автомобилот.
За корисниците на iPhone, процедурата е речиси иста. Треба да ја кликнете сината точка и да ја одберете опцијата "Set as parking location". Потоа корисникот ги добива истите опции како кај корисниците на Android.