Новогодишно обраќање

Заев: Во новата 2020 година да го направиме најдоброто за нашата земја

Скопје, 31 декември 2019 (МИА) – Премиерот Зоран Заев, во новогодишно обраќање до граѓаните, посакува подобро и поубаво утре, здравје и исполнетост со радост и топлина порачувајќи секој да го направи најдоброто за државата и  да си ветиме посветеност на заедништво и солидарност. Во Новата година државата ќе стане членка на НАТО, силно ќе чукаме и на портите на ЕУ на која има што да и кажеме, вели Заев и нагласува дека за државата останува обврската за целосно воспоставување на правна држава.

– На неколку часа пред Новата Година, кога сите сме со нашите најблиски, ви посакувам подобро и поубаво утре, здравје и исполнетост со радост и топлина. Некои наши сограѓани вечерва ќе бидат на работните места, во болниците, во Полицијата, во противпожарните служби, во Армијата – ќе се грижат за земјата и за нашата сигурност. На сите нив, да им оддадеме почит и признание, наведува Заев во новогодишното обраќање.

Премиерот посочува дека 2020 година, за припадниците на нашата Армија и на сите граѓани, ќе биде година за паметење, бидејќи Северна Македонија и формално ќе стане членка на најмоќниот сојуз – НАТО.

– Ништо нема да не запре и силно ќе чукаме и на портите на ЕУ зашто имаме што да кажеме. Бидете горди на овие постигнувања. Денес сакам да си ветиме дека во 2020 уште повеќе ќе го разгориме пламенот на заедништвото и солидарноста. Дека ќе ги негуваме и одржуваме љубовта и разбирањето кон другиот. Тоа се толку едноставни, а толку големи чекори. Да продолжиме да бидеме пример за кој сите зборуваат, посочува премиерот.

Заев натаму наведува дека секој човек е важен и затоа инвестираат во граѓаните, во иднината, во децата, и без исклучок во целиот народ бидејќи, како што вели, тоа е нашето најголемо богатство.

– Драматично го свртевме социјалниот курс, ја правиме нашата земја социјална и праведна држава. Наша заедничка обврска е да овозможиме сите луѓе да ја добијат шансата што ја заслужуваат, да ги искористат своите вештини, посочува Заев.

Дополнува дека пред земјава останува обврската целосно да се воспостави правната држава.

– Постојано да си честитаме што успеавме да ги вратиме слободата и демократијата. Да се храбриме бидејќи имаме економија која платите ги влече напред, како никогаш до сега. Бидејќи економијата од минус ни отиде во плус. Но, да биде јасно, пред нас е обврската за целосно воспоставување на правна држава. Нема отстапки, нема шминки и брзи поправки, туку темелна реформа. Јас ќе направам сѐ за да го оствариме тоа. Останете посветени на правдата, вашата поддршка е суштинска за да успееме, наведува Заев.

Премиерот во новата година посакува секој од нас да го направи најдоброто за нашата земја.

– Посакувам да сме сите живи и здрави и со најголема радост да ги дочекаме сите новородени во 2020 година, со решеност дека ќе обезбедиме топол и безбеден дом за секое дете, за секој човек. Во новата 2020 година, посакувам секој од нас да го направи најдоброто за нашата земја. Покрај обврските на државата, придонесот на граѓаните е многу важен за македонската иднина. Затоа, секој нека покаже како се сака сопствената земја. Ништо не е поважно од тоа. Ви посакувам од длабочината на моето срце, среќна, успешна и незаборавна нова 2020 година, наведува премиерот во новогодишното обраќање до граѓаните. 

реклама

Што се случува доколку секој втор ден правите по 200 склекови?

Read more

Најсмешните новинарски незгоди со животни

Read more

Секс-пози за кои луѓето повеќе зборуваат, отколку што ги практикуваат

Read more

Видео симулација докажа дека визирите не штитат од COVID-19

Read more

Македонија

Нови 152 случаи, 2 лица починаа од COVID-19

Read more

Владата размислува дали да ја зголеми казната за неносење маска

Read more

Фетаи ја ослободи Рангелова од обвинението за „Насилство во Општина Центар”

Read more

„Пајакот“ синоќа правеше чистка на пешачката зона на кеј „13 Ноември“

Read more

Вести

  • play_arrow

Додека закрепнуваше во Берлин, во Русија сè му запленија

Читај повеќе

Дневен преглед на состојбата со COVID-19 во светот

Читај повеќе

Пронајдена мини лабораторија и стебла канабис во Визбегово, приведени 3 лица

Читај повеќе

Приведен скопјанец поради недозволена трговија со оружје и дрога

Читај повеќе

Земјотрес од 4,2 степенa во Истанбул

Читај повеќе

Нови 152 случаи, 2 лица починаа од COVID-19

Читај повеќе

Владата размислува дали да ја зголеми казната за неносење маска

Читај повеќе

Две кампањи на „Њу момент“ во финалето на BalCannes 2020

Читај повеќе

Северна Кореја уби и спали јужнокорејски службеник

Читај повеќе