Градскиот совет во Минеаполис донесе одлука за забрана на задушување на лице за време на полициско апсење, по убиството на Џорџ Флојд пред 10 дена, кога полицаец со колено му го притискаше вратот повеќе од осум минути.
Ограничена е и употребата на средства за разбивање демонстрации и побарана е поголема транспарентност во работата на полицијата.
„Ова е моментот кога можеме целосно да го промениме начинот на дејствување на полицијата“, рече градоначалникот Џејкоб Фреј.
Тој додаде дека во минатото имало проблеми со воведување на вакви промени, но оти сега тие можат да се спроведат.
И гувернерот на Калифорнија Гавин Кристофер Њусам излезе на прес-конференција со изјава дека граѓаните треба да имаат загарантирано право на мирен протест без да се плашат дека ќе бидат пречекани со гумени куршуми или солзавец. Тој исто така рече дека „карате зафат за приведување не е нешто полицијата треба да го применува во 21. век“.
