Најмалку 238.000 луѓе во ЕУ починале предвреме во 2020 година поради загадениот воздух, и покрај тоа што квалитетот на воздухот генерално се подобрува, покажуваат најновите бројки на Европската агенција за животна средина (ЕЕА).
Аналитичарите на агенцијата посочуваат дека загадувањето на воздухот е „најголемиот здравствен ризик во Европа и дека значително влијае на здравјето на Европејците, особено во градовите“; и покрај тоа што најголемите загадувачи ги намалија своите емисии.
Според ЕЕА, најмалку 238.000 луѓе починале предвреме во 2020 година поради изложеност на PM2,5, при што 96 отсто од населението во градот е изложено на нивоа над препораките на СЗО.
Во исто време, азот диоксидот предизвика 49.000 предвремени смртни случаи, а изложеноста на озон 24.000, вели ЕЕА. Сепак, бројот на предвремени смртни случаи поради изложеност на PM2,5 падна за 45 проценти од 2005 до 2020 година.
„Доколку трендот продолжи, се очекува ЕУ да ја достигне целта за намалување на бројот на предвремени смртни случаи за 55 проценти до 2030 година. Сепак, потребни се дополнителни напори за исполнување на целта за нулта загаденост до 2050 година или намалување на загадувањето на воздухот на нештетно нивоа за здравје“, се вели во извештајот.