Загинатите во експлозијата на плинска боца се деца, четворица од повредените се со висок степен на изгореници

Денеска околу 10 часот во с.Романовце, кумановско во куќа во сопственост на Ш.А. при експлозија на 20-литарска плинска боца настанал пожар во кој загинаа три лица, а седум се повредени.

Три малолетни лица на возраст од 8, 9 и 11 години починале на местото на настанот, а седум лица се пренесени во Општа болница Куманово каде им се констатирани тешки телесни повреди и поради сериозноста на повредите истите се префрлени во Комплекс клиники„Мајка Тереза“.

Од вкупно седумте пациенти кои се здобија со изгореници при денешната експлозија, четворица се во тешка состојба со висок степен на изгореници.

Ова попладнево го соопшти министерот за здравство Венко Филипче, кој беше во посета на повредените пациенти хоспитализирани на КАРИЛ.

– Четворица се сместени во Клиничкиот центар и тројца во старата Градска болница. Од четворицата сместени, двајца се наоѓаат на Клиниката за пластична хирургија, тоа се двајца мажи на 60-годишна возраст и две жени на 40 и 45-годишна возраст во Одделот за интензивна нега на Клиниката за анестезија, реанимација, интензивно лекување. Од тројцата пациенти во старата Градска болница, една жена на 40-на години е во одделот за интензивна нега, интубирана е на респираторна машина, има помлада жена од 20-на години која е бремена, во овој момент се вршат прегледи од страна на гинеколог и едно дете кое има мал процент на изгореници, изјави Филипче.

Додаде дека се преземаат сите мерки на интензивно лекување во старата Градска болница каде е започната хируршката интервенција за обработка на раните на детето, и оти будно ќе се следи состојбата од експертите од пластична хирургија и од дежурните анестезиолози.

Жителите на кумановско Романовце не паметат ваква несреќа со голем број на жртви и повредени од едно семејство.

Денеска и заменик министерот за внатрешни работи Агим Нухиу го посети селото, се сретна со мештаните и изрази сочуство.

-Заедно со заменик директорот на Бирото за јавна безбедност и со заменик началникот на СВР Куманово да изразиме сочувство до семејството Алими. Ова е навистина голема трагедија. За жал е констатирано дека три деца се починати, рече заменик министерот Нухиу.

Тој информираше дека на местото на несреќата излегле јавното обвинителство, службите од МВР. Според првичните проценки, вели заменик-министерот станува збор за пожар предизивикан од плинска боца. Во текот на денот и наредниот период, додаде се очекува конечниот извештај од јавното обвинителство. Одговарајќи на новинарско прашање дали ќе им се понуди помош на семејството, Нухиу истакна дека институциите ќе понудат поддршка од сите апскети, вклучително и медицинските екипи.

Претседателот на месната заедница, Таџедин  Есапи, жали за трагедијата што се случи во нивното село во кое починаа три малолетни деца.

-Сите сме во жалост. Ваква трагедија немало во селото. Ми се јави кумановскиот градоначалник кој изрази сочуство и изрази подготвеност да му се помогне на семејството, вели Есапи.

Командирот на смена од кумановската противпожарна единица, Видан Трајковски, рече дека кај нив пожарот бил пријавен во 10.10 часот.

-По прием на дојавата, изглевме на терен со едно возило и четири пожарникари. Интервениравме на пожар во семеен дом. Пожарот е настанат од експлозија на плинска боца во просторијата имаше повеќе повредени и ние имаме информации дека три деца се починати, изјави Трајковски.

реклама

Пронајдено обесено момче на кејот на Вардар

Read more

Сенатот го поддржа Трамп: Едногласно гласаше за забрана на TikTok

Read more

Virgin Galactic и Rolls Royce претставија надзвучен авион

Read more

Поглед во луксузниот дом на Џенифер Лоренс, вреден 10 милиони долари

Read more

Македонија

Повторно протест ако не се укине одлуката за превоз на 50 проценти во автобусите

Read more

Доминира ставот училиштата да се отворат

Read more

Преговори за нова Влада, средби и првични пораки меѓу партиите

Read more

Намален бројот на новозаразени со COVID-19, активни 3.428 случаи

Read more

Вести

Американско разузнавање: Русија насочена да му наштети на Бајден, Кина сака Трамп да загуби

Читај повеќе

Тешко повреден велосипедист, возачот на автомобилот побегнал од местото на несреќата

Читај повеќе

Повторно протест ако не се укине одлуката за превоз на 50 проценти во автобусите

Читај повеќе

Доминира ставот училиштата да се отворат

Читај повеќе

Јована Матевска Атанасова е добитничка на наградата за најдобар расказ „Живко Чинго“

Читај повеќе

Преговори за нова Влада, средби и првични пораки меѓу партиите

Читај повеќе

Намален бројот на новозаразени со COVID-19, активни 3.428 случаи

Читај повеќе

АЕК: Засега нема промени во цените на комуникациските услуги

Читај повеќе

Имаме 4,2 болнички кревети на 1.000 жители

Читај повеќе