Флопи дисковите се стари половина век, денес речиси никој не ги употребува, но затоа имаат широка упоотреба во авиоиндустријата - авиокомпаниите и натаму ги порачуваат и ги користат.
Том Перски, кој за себе вели дека е „последниот човек во бизнисот со флопи дискови“, е основач на компанијата и сопственик на интернет страницата floppydisk.com која продава и рециклира флопи дискови. Исто така, компанијата обавува и трансфер на дискови, нуди програми за рециклирање, а на уметници ширум светот им продава и користени или расипани диксови.
Меѓутоа, Перски тврди дека неговите главни клиенти и натаму се индустриски корисници кои користат флопи дискови за внесување информации во машини и обратно. Вели дека авиокомпаниите и натаму користат флопи дискови од кои половина се постари од 20 години, а во тоа време овие дискови беа најдобрата достапна технологија.
„Авиокомпаниите се огромен потрошувач, а тука е и медицинската опрема која бара користење флопи дискови за внесување и вадење информации од медицинските уреди“, вели тој.
Секогаш постојат луѓе кои некои предмети ги чуваат за одржување во живот на носталгијата, а некои од нив купуваат и по 50 флопи дискови.
Компанијата British Airways за време на памндемијата со коронавирусот во 2020 година повлече од употреба еден од своите примероици на авион Boeing 747-400, а истражувачите на компанијата Pen Test Partner пронајдоа 3,5-инчен флопи диск во кокпитот, кој се користел за вчитување на клучни навигациски бази на податоци.
Впечатокот е дека флопи дисковите ќе останат во употреба сѐ додека се користат стари авиони кои се произведени пред 20 и повеќе години.
Инаку, флопи дисковите (floppy disk) се измислени од компанијата IBM во 1967 година, а на пазарот беа претставени во 1972. Тогаш имаа формат од 8 инчи. Во 1976 година настана форматот од 5,72 инчи, а во 1982 година дојдоа оние најпознатите со формат од 3,5 инчи.
