Загреб под вода
Загреб синоќа беше погоден од силно невреме што предизвика поплави во делови на главниот град на Хрватска. Како што пренесува порталот Индекс, дождот во Загреб почнал да врне околу 21 часот, што набрзо прерасна во невреме проследено со силен ветер и молњи.
Одделни трамвајски линии беа во прекин, голем број улици беа поплавени и поради тоа непроодни, а локалните власти им препорачаа на граѓаните да не се движат со автомобили. Противпожарните и дежурните служби цела ноќ биле на терен. Тие извршиле над стотина интервенции, а при една од нив почина и пожарникар, кому му се слошило.
Поплавени се и делови од трговски центри, а голем број возила останаа заглавени под подвозниците. Од невреме во послаб обем беа погодени и северна Далмација и Истра.
Фотографии: Index.hr