Новото истражување откри загрижувачка причина зошто не треба да пиете од пластични шишиња.
Резултати објавени во стручното списание Microplastics покажаа дека пиењето од пластични шишиња може да го зголеми крвниот притисок како резултат на влезот на микропластиката во крвотокот.
Истражувањето го спроведоа научници од Австрија. Тие исто така откриле дека крвниот притисок значително се намалил кога учесниците престанале да консумираат течност од пластични шишиња и пиеле само вода од чешма во период од две недели.
Крвниот притисок на учесниците бил измерен на почетокот и во текот на целото истражување. Значителен пад на дијастолниот крвен притисок бил забележан по две недели.
„Врз основа на резултатите, кои укажуваат на намалување на притисокот во комбинација со намалена потрошувачка на пластика, претпоставуваме дека пластичните честички присутни во крвотокот придонесуваат за зголемен крвен притисок“, изјавија и научниците.
Истражувањето е објавено под наслов „First Evidence of the Possible Influence of Avoiding Daily Liquid Intake from Plastic and Glass Beverage Bottles on Blood Pressure in Healthy Volunteers“ (Прв доказ за можното влијание на избегнувањето на дневниот внес на течности од пластични и стаклени шишиња за пијалаци врз крвниот притисок кај здрави волонтери) во стручното списание Microplastics.
