Останаа уште два месеца до почетокот на Мундијалот во Катар, а фотографиите од земјата домаќин не изгледаат охрабрувачки за сите навивачи кои одбрале да бидат сместени во т.н. навивачки населби.
Покрај луксузните смештаи во скапите хотели, традиционално во понуда е и смештај во контејнери или шатори во навивачки населби на неколку локации. На само два месеца до почетокот на светскиот фудбалски собир, тие не изгледаат охрабрувачки.
Новинарот Иан Херберт ги посети локациите со смештаи во навивачките населби во Катар, земјата која ќе прими стотина илјади навивачи од целиот свет. Веќе се продадени 2 милиона влезници за натпреварите од Светското првенство.
Херберт ги посетил навивачките населби и тврди дека смештаите претставуваат, вереојатно, најголем проблем за организаторот. Контејнерите за навивачи не изгледаат охрабрувачки и прашање е во каква состојба ќе ги дочекаат навивачите од целиот свет.
„Смештајот е навистина загрижувачки. Навивачките кабини сѐ уште беа во изградба на местото каде бев. Тоа е огромен комплекс без душа и со непрегледни ниски идентични кабини. Нејасно е каде ќе биде прехранбениот објект“, наведува Херберт.
Покрај контејнерите, навивачите можат да изберат и населба со шатори. Вкупно се изградени три такви комплекси, а ниеден не е блкиску до крај да биде завршен.
Во споменатите шаторски комплекси постојат куќарки со храна, но служењето алкохол е забрането. Корисниците ќе имаат пристап до базен и теретани, а блиску е и плажата.
Смештајот во контејнери за навивачите ќе чини 200 евра од ноќевање, додека оној во шаторите е двојно поскап. Неодамна британските медиуми кои се бават со економија објавија дека трошокот за навивачите доколку Англија стигне до полуфиналето ќе биде околу 20 илјади евра по навивач, во случај да се одлучат за хотелско сместување.
