Необична сцена видовме за време на вчерашните квалификациски натпревари за Големата награда на Италија кога зајак влета на патеката.
Не е невообичаено мали животни понекогаш да се најдат на патеките во Формула 1, но ова е особено изразено на Големата награда на Италија.
Патеката „Национален автодром Монца“ се наоѓа во паркот Монца кој зафаќа површина од 688 хектари и содржи бројни животни кои понекогаш знаат да залутаат на патеката.
Токму тоа се случи вчера за време на квалификациите за Големата награда на Италија.
На излегување од седмиот свиок (Лесмо 2) во првиот дел од квалификациите, возачот на Вилијамс, Николас Латифи стисна полн гас, но во тој момент мал зајак почна да ја претрчува патеката.
За среќа животното беше побрзо од болидот и успеа да избегне сигурна смрт.