Премиерата на видеоиграта Cyberpunk 2077 е одложена, а реакциите на фановите, очекувано, беа негативни. Но, некои фанови претераа во изразувањето на нивното незадоволство.
Анджеј Завацки, главниот дизајнер од студиото Projekt Red, испрати порака до своите следбеници на Twitter, во која ги замоли сите што се разочарани да ги „смират страстите“, бидејќи некои однесувања, како што се закани по живот, ја преминуваат границата на пристојна комуникација.
„Разбирам дека сте лути, разочарани и сакате да го искажете своето мислење. Сепак, смртните закани кон програмерите се апсолутно неприфатливи. Ние сме човечки суштества, исто како вас“, напиша Завацки.
Фановите се лути затоа што неколку пати добија уверување од студиото дека нема да има одложувања и дека на сè е сведено при крај. Да потсетиме, премиерата на долгоочекуваната видео игра Cyberpunk 2077 е одложена за 21 ден, па новиот датум е 10 декември.