Корисниците на Instagram наскоро ќе гледаат реклами во делот Explore, како и на корисничките профили.
Мислите дека Instagram има премногу реклами? Се чини дека овој проблем допрва ќе се влошува, бидејќи компанијата Meta донесе многу непопуларна одлука - вметнува реклами во делот Explore, како и на корисничките профили.
Досега корисниците можеа да гледаат реклами помеѓу обичните објави, објавите на Story и на Reels, но според новата одлука на компанијата, рекламите сега може да се најдат во самиот дел Explore.
Дополнително, а можеби и најважно, Instagram додава реклами во Feed-от на корисничките профили. Во минатото рекламите не се поставуваа на корисничките профили, но компанијата сега одлучи да им ги покаже на своите корисници додека скролаат низ објавите на некој профил.
Instagram исто така им овозможи на огласувачите да поставуваат интерактивни AR реклами, така што корисниците наскоро ќе можат да ги видат првите реклами во проширена реалност што ќе ја користат камерата на паметниот телефон.
Нема сомнеж дека корисниците нема да бидат пресреќни за оваа одлука. По одлуката на компанијата да го копира изгледот на платформата TikTok, масовните поплаки од корисниците го принудија Instagram да ја повлече оваа одлука.
Несомнено е дека финансиските проблеми ја принудија компанијата да ја донесе оваа одлука. Во вториот квартал Facebook го забележа првиот пад на приходите во последните 10 години, а основачот Марк Закерберг испадна од листата на 10-те најбогати луѓе во светот.
