Марк Закербер, основачот и главен и извршен директор на Facebook, го прекина молкот во врска со расистичкото насилство во Шарлотсвил изминатиот викенд, со објава на социјалната мрежа во која рече дека ја следат внимателно ситуацијата и ќе ги бришат сите закани за физичко насилство.
Неговото соопштение следеше четири дена откако контрадемонстрантка беше убиена на собир на ултрадесничарската група „Unite the Right“ што го искористи настанот објавен на Facebook за регрутирање членови.
Социјалната мрежа исто така почна да брише профили, страници и објави со расистичка, националистичка и неонацистичка содржина и наклонетост, меѓу кои и учесници на собирот во Шарлотсвил што почна како протест поради остранување на споменикот на генералот Роберт Ли во градскиот парк во Шарлотсвил.
„Во нашата заедница нема место за омраза“, напиша Закерберг. „Затоа отсекогаш сме ги бришеле сите постови што промовирале или величале злосторства од омраза или тероризам, вклучувајќи го тоа што се случи во Шарлотсвил. Со оглед на тоа дека има потенцијал за уште собири, внимателно ја следиме ситуацијата и ќе ги бришеме сите закани за физичко насилство.“