Meta на Марк Закерберг донираше 1 милион долари на инаугуративниот фонд на новоизбраниот претседател Доналд Трамп, потврди компанијата за CNN.
Да потсетиме, Закерберг пред две недели приватно се сретна со Трамп во Мар-а-Лаго, а CNN претходно објави дека Закерберг бара поактивна улога во обликувањето на технолошката политика на идната администрација.
Тоа е голем пресврт од пред речиси четири години кога Meta ги блокираше профилите на Трамп на своите платформи по нападот на Капитол на 6 јануари 2021 година.
Во пресрет на овие избори, Закерберг постепено покажа афинитет кон Трамп. Во интервјуто летото, основачот на Facebook рече дека одговорот на Трамп на обидот за атентат во јули бил „опасен“.
„Да го видам Доналд Трамп како станува откако беше застрелан и ја става тупаницата во воздух со американско знаме е една од најопасните работи што сум ги видел во животот“, рече тој за време на интервјуто.
Трамп во интервјуата и претходните настапи се фалеше за разговорите што ги имал со технолошките титани, а сега ги фали компаниите што некогаш ги обвинуваше за неговиот пораз на изборите во 2020 година.
