Промената дојде со TikTok - на корисниците повеќе не им се прикажува исклучиво содржината на луѓето што ги следат, туку само најдобрата и најзабавната содржина.
Познато е дека во последно време Facebook е во голема неволја, што можеме да го видиме од падот на бројот на корисници, но и од состојбата на берзата каде годинава загубија стотици милијарди долари. Во едно неодамнешно интервју, Марк Закерберг објасни што може да биде причината за тие проблеми и ја призна својата грешка во однос на стратегијата на компанијата.
Пред неколку години, Закерберг беше убеден дека корисниците сакаат Facebook да стане што е можно повеќе лична платформа, односно на нивните фидови да се појавуваат содржини објавени од нивните пријатели и роднини. Денес е очигледно, како што и самиот призна, дека тоа било сосема погрешен начин на размислување.
Се покажа дека корисниците сакаат најдобра и најквалитетна содржина и не е важно кој ја објавува таа содржина. Тоа навреме го препознале во TikTok, поради што популарноста на оваа мрежа постојано се зголемува, додека корисниците полека го напуштаат Facebook. Иако Meta на Instagram се обиде да го промени алгоритмот за да биде посличен на ТикТок, корисниците не беа задоволни бидејќи не сакаат мрежата да стане само копија на TikTok.
Закерберг истакнува дека на почетокот, TikTok не се вклопувал во неговиот „шаблон на социјални работи“ и повеќе се чувствувал како пократка верзија на YouTube. Денес, тој вели дека е важно Meta да создаде алгоритам кој ќе им препорача на корисниците различни содржини за забава, но за разлика од TikTok, тој не сака да се фокусира само на видеа, туку и на фотографии и текстуални содржини.
„Понекогаш сакам само да гледам видеа, но често ги сакам само најдобрите работи“, објасни тој во интервју за Stratechery.