Захариева: Односите меѓу С. Македонија и Бугарија да наликуваат на оние на Шпанија со Латинска Америка

Бугарската министерка за надворешни работи, Екатерина Захариева денеска во интервју за Ефе изјави дека Бугарија ќе го блокира почетокот на преговорите на Република Северна Македонија со Европската Унија сѐ додека не се стави крај на „говорот на омраза кон сѐ што е бугарско“, јави БГНЕС.

Според Захариева, односите меѓу Бугарија и Северна Македонија треба да наликуваат на односите меѓу Шпанија и Латинска Америка.

– Проблемот со историјата е што погрешните и лажни интерпретации на настаните, луѓето и случувањата имаат директно влијание врз актуелните случувања и тоа создава јазик на омраза и негативна кампања против Бугарија и Бугарите, нешто што е апсолутно недозволиво за нас, вели таа.

Захариева со обвинување до македонската политичка елита дека „ги минале изминатите 30 години од независноста од Југославија за да го стимулираат и толерираат тој јазик на омраза, нешто што во крајна смисла влијаеше на обичните граѓани во земјата“.

– Бугарија никогаш не го одрекнувала правото на постоење на македонската држава, нејзиниот суверенитет и желбата да го нарекуваат јазикот, како што сакаат. Но, сето тоа не треба да се случува со помош на лаги и со одрекување за тоа како е создадена нацијата, додаде Захариева.

Таа како пример ја наведува Латинска Америка. – Фактот дека Аргентинците и Чилеанците говорат на шпански јазик не ги прави помалку Аргентинци и Чилеанци. Фактот дека тие имале заедничка историја до еден момент не го намалува нивниот суверенитет денес. Напротив тоа ги зближува, смета Захариева.

Додаде дека како што Шпанија е најголемиот поддржувач на тоа ЕУ да има поблиски односи со земјите од Латинска Америка, така и Бугарија била првата држава, која ја признала независноста на Македонија во 1991 година и го поставила прашањето за проширувањето на ЕУ со земјите од Западен Балкан, за време на бугарското претседателство во 2018 година.

Таа повторно со критика дека македонската страна не го почитува Договорот за добрососедство. Според неа, од влезот на земјава во НАТО е забележано забавување во сите области на соработка, од економијата, до инфраструктурата, образованието.

Захариева рече и дека Бугарија стравува од македонските територијални претензии и тврдењата дека во Бугарија има македонски малцинство, што го изедначи со иредентизам.

На прашањето дали европските партнери имаат разбирање на бугарската позиција, Захариева рече дека и Грција во минатото не била разбрана.

Додаде дека бугарската позиција е во преговарачката рамка за Северна Македонија да бидат вклучени три посебни точки:

  • формулација за официјалниот јазик на Северна Македонија
  • патоказ за реализирање на Договорот од 2017 година
  • откажување од страна на Скопје од претензиите за постоење на македонско малцинство во Бугарија.
реклама

Девојче почина поради предизвик на TikTok, започната истрага во Италија

Read more

Прилог за изградбата на Треска од 1978 година

Read more

Еден човек го има добитното лото ливче од 1 милијарда долари во САД

Read more

Категорично ги отфрламе невистините дека придавката „македонски“ се заменува со уставното име, велат од Комисијата

Read more

Регион

Следниот месец во Албанија ќе пристигнат над 40.000 дози вакцини од Pfizer

Read more

Вучиќ: Во Србија регистриран новиот вид на коронавирус

Read more

Вучиќ: Потешко е да се набави вакцина, отколку нуклеарно оружје

Read more

Хаг: Одбиено барањето за ослободување на Кадри Весели

Read more
 

Вести

Дневен ковид биланс: 184 новозаразени и 6 починати

Читај повеќе

Казнети 385 лица за неносење на заштитна маска

Читај повеќе

Следниот месец во Албанија ќе пристигнат над 40.000 дози вакцини од Pfizer

Читај повеќе

И за моторите важи мерката за привремено одземање возило поради истечена регистрација

Читај повеќе

Вучиќ: Во Србија регистриран новиот вид на коронавирус

Читај повеќе

Ѓоргиев: Придавката „македонски“ останува во записниците на Мешовитата комисија

Читај повеќе

Утре без струја дел од корисниците во Аеродром и Бутел

Читај повеќе

ЕУ: Ќе ги принудиме фармацевтските компании да го почитуваат договорот за испорака

Читај повеќе
  • play_arrow

Прилог за изградбата на Треска од 1978 година

Читај повеќе