Работниците од лондонската „пајак“ служба не се колебаа да соберат непрописно паркирано Ferrari 812 Superfast вредно 350.000 евра.
Работата на овие службеници во теорија би требало да биде едноставна – ако некој е паркиран спротивно на прописите, ќе си го најде возилото на паркингот на „пајак“ службата.
Во пракса тоа не е секогаш така, особено на нашите простори, па се случува работниците да им „прогледаат низ прсти“ на сопствениците на луксузни возила кои го паркирале непрописно својот „ѕвер“ од стотици илјади евра.
Лондонскиот „пајак“ очигледно нема проблем со тоа и работниците не се потресуваат дали собрале „ѕвер“ или „крнтија“.
Ова Ferrari било паркирано на недозволено место во близина на луксузна продавница во западен Лондон, а сопственикот е казнет со парична казна од 145 евра.
Можеби оваа сума е безначајна за некој кој вози толку скап автомобил, но важна е пораката што се пренесува - законот е ист за сите.