Замислете Снуп Дог да ви достави храна до дома

Американскиот рапер Снуп Дог се најде во улога на доставувач во реклама на компанијата JustEat.

Раперот ја прифати понудата на британскиот онлајн сервис за достава на храна и стана заштитно лице на компанијата. Во новата реклама раперот доставува храна на адреса на муштерија, со помош на мотоцикл.

Рекламата е снимена на неговиот имот во Лос Анџелес и е претворена во музички спот.

„Ремиксот на Снуп Дог ни овозможува да се поврземе со младите луѓе, како и да ги забавуваме купувачите и обожавателите на нашиот оригинален џингл. Снуп одговори на нашиот повик и креираше верзија која нè насмеа“, вели Сузан О’Бриен, маркетинг директорка во Just Eat.

Целосната верзија на рекламата ќе биде емитувана во петок.