Само ЗАМП има право да ја укине својата одлука за забрана на македонската музика, стои во официјалниот допис кој го доставија до медиумите откако Министерството за култура вчера најави дека ја запира одлуката на здружението.
Од ЗАМП во соопштението, меѓу другото, наведуваат дека поради незаконските одлуки на Министерството за култура и евентуалните повреди на моралните и материјалните права на авторите, препорачуваат трговските радиодифузни друштва да продолжат да се придржуваат до одлуките на авторите на ЗАМП се додека судот не донесе правосилна судска одлука или додека авторите сами не ја стават вон сила забраната за јавно емитување музика.
Македонската музика заедно со српската и хрватската речиси два месеца не се емитува во етерот.