Мртво море, Море на смртта и Лотово море се називи за солената водна површина која всушност се смета за езеро. Тоа се наоѓа помеѓу Јордан и Израел и може да се „пофали“ со фактот дека е составено од дури 33% сол.
Сепак, тоа не е единствената работа по која е познато ова езеро. И да, знаеме дека е збунувачко неговото име Мртво море, но тоа е навистина езеро.
- Мртвото море е најголемата светска депресија. Ова солено езеро се наоѓа на висина од 400 метри под нивото на светското море и е длабоко 400 метри.
- Нивото на водата во Мртвото море не расте бидејќи околу него владее пустинска клима, со температура од 40 степени во летните месеци. Дождливите денови се многу ретки во овој предел.
- Салинитетот (нивото на солта) во ова езеро изнесува дури 33%. За споредба, Средоземното море има само 3% салинитет. И покрај тоа, ова не е најсоленото езеро во светот бидејќи Асалското езеро (35%) и Дон Жуан Понд (40%) се на првите две места.
- Поради високиот процент на сол, условите за живот во Мртвото море се многу ограничени и таму можат да преживеат само ретки микроорганизми, како што се анаеробните бактерии.
- Солта и минералите имаат многу позитивно дејство на човековото здравје, па не треба да ве чуди што тука уште од времето на Херодот доаѓаат да се лечат луѓе кои патат од псоријаза и други кожни болести, како и болести на коските како остеопороза и артритис.
- Поради високото ниво на сол, водата во Мртвото море е многу густа. Поради тоа, никој не може да потоне во него, но тоа не значи дека езерото не е опасно.
- Лековитата кал од Мртвото море ја користеле старите Еѓипќани за балсамирање на нивните мумии.
