Полицијата вчера на патот помеѓу струшките села Вишни и Горна Белица од автомобил со гостиварски регистарски таблички заплени марихуана и приведе дилер на дрога од соседна Албанија.
„На 25.11.2020 околу 11:30 часот полициски службеници од ПС за ГН-Франгово, по претходно добиени оперативни сознанија, на патот помеѓу с.Вишни и с.Горна Белица запреле патничко моторно возило „форд фокус“ со гостиварски регистарски таблички, сопственост на А.С. (41) од с.Лакавица-Гостивар, управувано од Ф.Ц. (20) од Р. Албанија, а во возилото биле и Б.Л. (34) и Т.Е. (26), двајцата од Р. Албанија. При преглед на возилото и лицата, била пронајдена марихуана што му припаѓала на Ф.Ц. Лицата се приведени во полициска станица, а Ф.Ц. е задржан за натамошна постапка и по документирање на случајот ќе биде поднесена соодветна пријава до надлежното обвинителство“, стои во соопштението на МВР.