Култура

Започнува снимањето на новиот домашен филм „Те dua, Жими мене”

13. август 2019 - 12:01 | МИА

Скопје, 13 август 2019 (МИА) – „Те dua, жими мене” е новиот независен македонски филм чие снимање ќе започне на 15 август во Скопје, во режија на Марјан Гавриловски, а по сценарио на Никола Кузелов.

Kако директор на фотографија ќе се потпише Александар Карпузовски.

Приказната е за квази фраер, коцкар и хармоникаш, кој трудејќи се да ја врати дома купената жена од Албанија станува дел од мафијашка зделка.

Во филмот ќе играат Тони Михајловски, Игор Џамбазов, Мими Таневска, Атанас Атанасовски, Сенко Велинов, Рујиш Беговска, Мирсад Абази, Ангела Стојановска, Никола Кузелов, Талија Настова, Исмаил Касуми, Ангела Димитрова, Валентин Видович, Надица Петрова, Елдин Широки, Флакрон Алиу и други.

Снимањето ќе трае околу 30 дена на локации низ Скопје, а премиерата на филмот се очекува на крајот на следната година.

Коментирај