Авто новости

Запознајте го првиот суперспортски болид за сите терени

21. јануари 2020 - 15:15 | А.С.

По неколку не толку успешни обиди, стигна уште еден предлог за суперспортски автомобил за секакви теренски услови.

Се вика Laffite G-Tec X-Road и само што стигна од Калифорнија, оазата на потенцијалните купци на ова возило.

Бруно Лафит, внукот на славниот Ф1 пилот Жак Лафит, го создаде овој по малку чуден автомобил.

Тој заедно со сопругата го почна овој проект за сестрано возило, а во реализацијата им помогна G-Tec, компанијата што ја води познатиот инженер Филип Гаутерон.

Конкретните податоци покажуваат дека овој „ѕвер“ го придвижува 6.2-литарски V8 мотор на GM со 720 коњски сили.

Болидот има шестстепен секвенцијален менувач и тежи сѐ на сѐ 1.300 килограми.

Наводно развива брзина до 230 км/ч, а на терен не застанува пред никаква пречка.

Цената? Почетната изнесува 465.000 долари, а најавена е и електрична изведба за 545.000 долари.

Коментирај