Затворските чувари ширум Франција почнаа штрајк по низата напади врз нивни колеги од страна на затвореници.
Синдикатите воведоа „целосна блокада“ на затворите од денеска, откако нивните преговори со владата за подобрување на безбедноста и зголемување на платите влегоа во втора недела.
Француската министерка за правда Никол Белубе рече дека ќе се сретне со лидерите на синдикатите во обид да се реши кризата.
Таа побара веднаш да се продолжи со дијалог, додавајќи дека е одговорност на двете страни да се обезбеди функционирање на затворите.
Штрајкот следи откако неколкумина затворски чувари беа повредену во напади или расправии во неколку затвори.
Минатата недела тројца чувари беа нападнати во затворот Фрезне, јужно од Париз.
Вчера двајца затворски чувари биле пренесени во болница откако биле нападнати во притворниот центар во близина на Кале.
„Уште еден напад на нашите колеги“, рече портпаролот на синдикатот Унса. „Веќе стна секојдневие. Нема веќе да трпиме.“
Преговорите продолжија откако синдикатите го одбија нацрт-предлогот за отворање на 1.100 нови работни места за затворски чувари во текот на четири години.
Моментално затворската служба вработува 28.000 чувари во 188 установи во кои се сместени околу 78.000 затвореници.