Зависноста од секс е реален проблем, одлучи Светската здравствена организација, специјализираната служба на ОН за меѓународно јавно здравје.
СЗО ја додаде зависноста од секс на листата душевни болести во Статистичката класификација на болести и здравствени проблеми што служи како алатка за дијагостицирање, контрола и лечење на разни физички и душевни здравствени нарушувања.
Дефинирана како „постојана неможност да се контролираат интензивните, репетитивни сексуални нагони или импулси, што резултира со репетитивни сексуално однесување“, зависноста од секс ќе се дијагностицира на луѓе кои ја имаат оваа состојба подолго од шест месеци и се значително потресени или вознемирени како резултат на нивната зависност уште пред да бидат дијагностицирани.
Луѓето кои имаат многу секс со различни партнери на начин кој се смета за здрав, односно не ги намалува личните одговорности или им предизвикува вознемиренот, нив или на нивните партнери или членови на семејството, нема да бидат класифицирани како зависници од секс.
Ваквата класификација следи откако СЗО ја дефинираше зависноста од видеоигри како нарушување на менталното здравје.
