Филм & ТВ

Заврши „Game of Thrones“: Фановите разочарани, бараат одново да се сними последната сезона

20. мај 2019 - 9:40 | А.С.

Синоќа беше емитувана последната епизода од мегапопуларната ТВ-серија „Game of Thrones“, но голем број од фановите се разочарани од тоа како се разви и заврши дејството.

По емитувањето на последната епизода од осмата сезона, голем број фанови реагираа дека авторите „ја уништиле серијата со последната сезона“, а има и такви кои реагираат дека ова е „најлошото финале во историјата на телевизијата“.

Токму поради тоа, некои фанови отворија петиција за да се пресними последната сезона на „Game of Thrones“, а досега, според Guardian, ја потпишале над 700.000 фанови со барање новата содржина да ја напишат „компетентни автори“.

„Дејвид Бениоф и Ди Би Вајс се покажаа како бедно некомпетентни, иако имаа извори на кои можеа да се потпрат (книгите). Оваа серија заслужува финална сезона што има смисла“, стои во петицијата.

„Ја уништија најдобрата ТВ-серија што некогаш се прикажувала“, „Ја гледавме серијата осум години и ова го добиваме за крај? Дали сте сериозни?“, „Не сакам овие двајца да се доближат до Star Wars“, се само дел од коментарите на незадоволните фанови, од кои последниот алудира на веста дека истите автори се ангажирани да работат на следниот филм од франшизата „Star Wars“.

*Внимание! Следат спојлери за финалето на Game of Thrones

Коментирај