Научниците од Универзитетот во Калифорнија напорно работеа на решението за проблемите со акните. Според податоците на Светската здравствена организација, 80% од луѓето на возраст меѓу 11 и 30 години имаат нарушувања поврзани со кожата.
Станува збор за вакцина што научниците ја создадоа, а би требало да е ефективна против бактериите кои предизвикуваат акни.
„Акните се предизвикани од бактеријата Propionbacterium acnes, која е во нас цел живот. Пронајдовме антитело за токсичниот протеин што го создава секретот на кожата, а кој доведува до воспаленија и создава акни“, изјави Ерик Ц. Хуанж, лидер на проектот.
Целта на вакцината е да ги блокира ефектите на бактериите што предизвикуваат акни. Засега е тестирана на примероци на кожа земени од пациенти кои имаат акни, а крајните резултати се добри. Сега следува тестирање на луѓе, а научниците се надеваат дека ефективната вакцина ќе биде достапна за неколку години.