Депресијата променува се, од начинот на кој се движи и спие некое лице, до тоа како стапува во интеракција со други луѓе, а може да се забележи и преку говорот, односно стилот на пишување. Понекогаш тој „јазик на депресија“ е препознатлив и во многу песни на познати поети и музичари.
Научниците веќе долг временски интервал ги интересира поврзаноста меѓу депресијата и јазикот, а технологијата се повеќе и повеќе им помага во таа цел.
Ново истражување објавено во магазинот „Clinical Psychological Science“, открива мноштво зборови и фази кои ги користат лицата кои страдаат од депресија.
Тоа може да помогне во рано препознавање на оваа состојба кај лицата кои не опкружуваат.
Со помош на компјутерска анализа на текстови, научниците анализирале колку пати биле користени одредени зборови, лексички разлики, просечна должина на реченицата, граматички примери и многу други елементи во текстови на депресивни луѓе.
Стил и содржина
Јазикот може да се подели на два дела: Содржина и стил. Содржината се поврзува со она што го изнесуваме, а депресивните лица ќе го прераскажуваат на други луѓе користејќи многу негативни конотации и зборови, посебно прилози како „осамен“, или „тажен“ или „беден“. Уште поинтересен е изборот на заменки. Оние со симпотми на депресија користат многу повеќе заменки во прво лица и многу помалку во второ и трето лице. Тоа покажува дека лицата со депресија повеќе се фокусирани на самите себеси и помалку на луѓето околу нив.
Со користење на апсолутни зборови и црно-бела перцепција на светот, стилот сепак се поврзува со начинот на кој ги изнесуваме и презентираме работите. Според анализа на текстови, научниците заклучиле дека користењето на зборовите „секогаш“ и „ништо“ се посилен доказ за депресивната состојба од заменки или зборови кои означуваат негативни емоции.
На разни форуми, на кои луѓето често меѓусебно си помагаат при депресија и анксиозност, овие зборови се користат 50 отсто повеќе во однос на други форуми каде се дискутира за други теми.
Секако, можно е некој да користи некој од овие зборови а да не е депресивен или да има само кратка депресивна епизода во својот животот, но проблем со депресија имаат се повеќе и повеќе луѓе ширум светот, па затоа не е лошо да се обрати внимание на овие знаци.
