Европската Унија мора да има чисто научен пристап кон одобрувањето на руската вакцина Спутник V, изјави денеска баварскиот премиер Маркус Зедер, зборувајќи во регионалниот парламент.
– Се појавија две нови вакцини, што во моментов се подложени на процедура за скрининг, изјави Зедер, додавајќи дека мисли на вакцините Спутник V и Johnson & Johnson, јави ТАСС.
Зедер истакна дека безбедноста на вакцините е најважниот аспект од постапката и дека ЕУ мора да ја забрза вакцинацијата.
Европската агенција за лекови (ЕМА) вчера соопшти дека покренала постапка за експертиза на вакцината Спутник V.
Специјалисти ќе треба да утврдат дали вакцината е во согласност со стандардите на ЕУ во однос на ефикасноста, безбедноста и квалитетот.