Во склоп на платформата #МојГрад, денеска беше лансирана нова опција наречена #МојКандидат, преку која секој жител на Скопје може да се пријави како потенцијален кандидат на советничката листа на ЗХГ.
Оттаму велат дека се стремат, покрај нивните веќе докажани активисти, на листата да имаат и до 20 граѓани кои имаат искуство, желба и вредности како членовите на Зелен Хуман Град.
„Зелен Хуман Град ќе излезе со своја непартиска и независна листа на кандидати за советници на Град Скопје, на локалните избори во 2021 година. Сакаме да бидеме транспарентни и да ги вклучиме сите граѓани во процесот - затоа ја отвораме листата за секој што сака да биде дел од неа! Затоа што нашиот уникатен концепт е обединување на активистите и граѓаните на листата по принципот пола-пола, бараме до 20 најдобри кандидати од жителите на Скопје кои ќе им се придружат на активистите од членките на ЗГХ кои се веќе на листата“, стои на нивната онлајн платформа.
Заинтересираните граѓани може да се пријават на ОВОЈ ЛИНК, во три лесни чекори:
- Отворете го линкот наведен горе и пополнете ја формата за да ја поднесете вашата кандидатура
- Членовите на МојГрад ќе го видат и гласаат за вашиот јавен профил што ги има одговорите од формата
- Најгласаните кандидати ќе имаат интервју со тимот на ЗХГ за можен пристап на листата
„Само заедно може да ги исполниме целите за еден поубав, позелен и похуман град. Дојдете со нас, да ја направиме промената што ја бараме сите овие години“, апелираше Горјан Јовановски од ЗХГ на социјалните мрежи.
