УЕФА ќе им дозволи на Ница и Жирона наредната сезоната да учествуваат во нејзините натпреварувања. Ница ќе игра во Лига Европа, а Жирона во Лигата на шампионите.
Манчестер јунајтед и Ница се во сопственост на британскиот конгломерат Ineos Group Limited и нејзиниот шеф Џим Ретклиф. Двата клуба изборија пласман во Лига Европа, Англичаните со освојување на ФА купот, а Ница како петтопласирана во Лиг 1.
УЕФА во март потврди дека доколку два клуба со ист сопственик се квалификуваат за исто натпреварување, само еден ќе може да учествува.
Нормално, тоа би било случај со тимот што заврши подобропласиран во националниот шампионат, што во овој случај е Ница, бидејќи Манчестер Јунајтед беше осми. Сепак, Јунајтед го освои ФА купот, што им дава директен влез во натпреварувањето.
Times пренесува дека УЕФА му дала зелено светло на Јунајтед да игра во Лига Европа. Дозвола добила и Ница, но под одредени околности.
Весникот пишува дека на Ница ќе работи под целосен надзор на панел формиран од УЕФА. Тој модел сезонава беше применет во случајот на Милан и Тулуз и нивниот сопственик од САД, компанијата Red Bird Capital.
Исто така, на клубовите им беше кажано дека сезоната ќе се смета за преодна и дека нема да има слични исклучоци во иднина.
Тоа практично значи дека и на Манчестер Сити и Жирона ќе им биде дозволено да играат во Лигата на шампионите.
Жирона, како Ница, исто така ќе мора да биде контролирана од панелот на УЕФА.
Најголемото изнедување во Шпанија оваа сезона е дел од холдинг компанијата City Football Group Limited.
