Украинскиот претседател Володимир Зеленски преку видеоврска им порача на светските лидери собрани на самитот Г-20 дека е време да се стави крај на војната со Русија.
Како што соопшти Зеленски, војната треба да заврши според неговиот предложен мировен план.
„Убеден сум дека сега е време да се стави крај на деструктивната војна со Русија“, изјави Зеленски. „Постои украинска формула за мир. Мир за Украина, за Европа и за светот. И постојат низа решенија кои можат да се применат за да навистина гарантираат мир. Со учество на самитит изнесов предлог за такви одлуки – конкретни и искрени. Украина им нуди на лидерските земји со нас заедно да бидат коректори на мирот“, изјави тој и наброја неколку услови.
1. Нуклеарна безбедност
2. Безбедност со храната
3. Енергетска сигурност
4. Ослободување и враќање на затворениците и депортираните граѓани
5. Имплементација на Повелбата на ОН и обнова на територијалниот интегритет на Украина и светскиот поредок
6. Повлекување на руските трупи и прекин на борбите.
Овие 6 работи Зеленски ги наброја на Facebook по говорот на самитот.
„Нема да дозволиме Русија да чека и да ги зацврстува силите. Уверен сум дека сега е време кога руската војна мора и може да се запре“, додаде Зеленски.
Додаде дека Русија мора да го потврди територијалниот интегритет на Украина, повлекувајќи ги трупите од украинската територија и треба да плати отштета за сторената штета.