Украинскиот претседател Володимир Зеленски објави нов, долг говор во кој најави низа воени одликувања за украинските војници.
Тој во обраќањето ја коментираше ситуацијата во Херсон, украински град под руска контрола. Локалните власти соопштија дека Русија планира референдум со цел тој регион да стане отцепена република слично како другите делови на источна Украина – Доњецк и Луганск.
„Украина ќе го издржи овој тест. Потребни ни се време и сила да ја разбиеме оваа воена машина која влезе во нашата земја“, додаде тој.
„Може да направите истражување на јавното мислење во која било земја и ќе видите дека Украина е земја со која многумина сочувствуваат и ја поддржуваат. И Русија не е само меѓу непријателите. Таа е дури и поголем непријател, поголемо зло од Северна Кореја. Така, на пример, мислат и Американците. Обичните луѓе во сите држави. Како и обичните луѓе во сите европски земји“, смета Зеленски.
