Претседателот на Украина, Володимир Зеленски, денеска изјави дека украинската армија се бори против 50.000 непријателски војници во руската област Курск, објави The Kyiv Independent.
Неговата изјава доаѓа еден ден откако The New York Times објави дека Москва подготвува офанзива во регионот Курск со сили од 50.000 војници, и руски и севернокорејски.
Киевскиот весник наведува дека Русија распоредила илјадници севернокорејски војници во оваа воена зона, а некои од нив веќе дошле во помал судир со Украина и дека според некои извештаи, околу 11.000 севернокорејски војници се стационирани во регионот Курск од 4 ноември.
