Зеленски: Северна Кореја се приклучува на војната

Украинскиот претседател Володимир Зеленски во вечерашното видео-обраќање до нацијата рече дека Северна Кореја се приклучува на војната во Украина. Зеленски во обраќањето објавено на социјалните мрежи зборуваше за неговите активности.

„Меѓу главните работи денеска беше извештајот на разузнавачките агенции за намерите на Русите за есенскиот и зимскиот период. Сè е многу детално. Практично зборуваме за вклучување на Северна Кореја во војната“, рече Зеленски во видео-обраќањето.

Претходно тој предупреди дека Москва и Пјонгјанг, односно рускиот претседател Владимир Путин и севернокорејскиот лидер Ким Џонг Ун, се договориле за „префрлање на луѓе“ од Северна Кореја во Русија и Украина за да се борат на страната на Руската Федерација.

Кремљ го негираше ова, велејќи дека тоа е „лажна вест“.