Портпаролот на Кремљ Дмитриј Песков ја коментираше информацијата дека украинскиот претседател Володимир Зеленски чува слики над својот кревет на кои, меѓу другото, се гледа како Кремљ гори.
Магазинот Time, кој го посети украинскиот претседател во неговата работна просторија, опиша три слики во масло кои висат над креветот. На едната се гледа руски воен брод како тоне во Црното Море, друга украински војници кои се борат на руска територија, додека третата - која Зеленски ја опиша како неговата омилена – го прикажува Кремљ во пламен.
Volodymyr Zelensky's favorite painting in his office shows the Kremlin engulfed in flames. “Each one’s about victory. That’s where I live” https://t.co/AgZtLQnlda pic.twitter.com/Yb5zDV46js
— TIME (@TIME) March 24, 2025
Сега пристигна реакцијата на Песков.
„Не би го коментирал тоа. Така, претпоставувам дека ова најдобро го илустрира нивото на духовен развој и внатрешната состојба на оној што позира со тие слики. Во секој случај, тоа не служи на чест ниту на оние што го снимаат и објавуваат тоа, ниту на оние кои позираат“, рече Песков.
