Педесетгодишниот Т.Р. од светиниколското село Амзибегово се здобил со тешки телесни повреди во пределот на главата чистејќи во својот двор земјоделска косачка, по што починал.
Како што информираат од полицијата, несреќата се случила вчера околу 14 часот во дворот на куќата на Т.Р.
Додека ја чистел земјоделската косачка, која била приклучена на трактор и подигната од земја, во еден момент таа го потиснала Т.Р., кој бил легнат наземи, во пределот на главата.
Тој се здобил со тешки телесни повреди и бил пренесен во Здравствениот дом Свети Николе, но поради сериозноста на повредите бил препратен во Клиничката болница Штип каде што починал.
Увид на местото на настанот извршиле јавен обвинител и екипа од полициската станица Свети Николе.
