Телеметриската сеизмолошка мрежа на Република Северна Македонија, на сеизмолошките станици инсталирани на нашата територија, одржувани од Сеизмолошката опсерваторија при Природно-математичкиот факултет во Скопје, денес, 16.7.2024 година, во 14:06 часот, регистрира земјотрес, чиj епицентар припаѓа на скопско епицентрално подрачје, со Рихтерова локална магнитуда ML 2.0.
Според досегашните податоци со кои располага опсерваторијата, земјотресот е почувствуван од населението во градот Скопје со интензитет од III степени според Европската макросеизмичка скала.
„Кратко тресење и гласен краток звук“, „Беше кратко, но почувствувавме дека е некаде блиску, беше околу 2,2 или 2,3 степена“, велат жители на Скопје.
