Згрутчувањето на крвта претставува ретка нуспојава на AstraZeneca вакцината, којашто најчесто се манифестира кај луѓе помлади од 60 години.
Иако оваа појава не е толку честа, сепак треба да обрнете внимание на симптомите кои можат навреме да укажат на можни здравствени проблеми.
Анализа на Европската агенција за лекови донесе заклучок дека згрутчувањата би требало да бидат наведени како многу редок несакан ефект од вакцината на AstraZeneca.
Состојбата што ја предизвикува се нарекува церебрална венска синусна тромбоза (CVST), кога се создаваат крвни згрутчувања во вените, а понекога може да заврши со смрт. Во загрижувачки случаи, застапени кај жени помлади од 60 години, тоа се комбинира со тромбоцитопенија, кога пациентот исто така има абнормално ниско ниво на тромбоцити.
Од британската Регулаторна агенција за лекови и здравствени производи (MHRA) велат дека системите за надзор откриваат потенцијални нуспојави на вакцината кај исклучително мал број луѓе.
Секој кој има симптоми четири дена по вакцинацијата, треба да побара лекарска помош.
Симптомите кои ги наведуваат се: појава на силна или трајна главоболка, замаглен вид, отежнато дишење, болка во градите, отекување на нозете, трајни болки во стомакот, необични модринки и точкести траги на кожата.
Британската Регулаторна агенција објави дека досега се регистрирани 79 случаи на тромбоза поврзана со низок број на тромбоцити во крвта. Оваа состојба се појавила по примање на првата доза на вакцината.
Деветнаесет луѓе починале од нарушување во згрутчувањето, од кои тројца биле помлади од 30 години.
