Внесувањето доволно течности во организмот е од голема важност за целокупното здравје. Овие знаци покажуваат дека не внесувате доволно вода.
Во моментот кога ќе почувствувате жед, веќе сте дехидрирале. Затоа не чекајте до последен миг да земете чаша вода, погрижете се веднаш да ги надоместите изгубените течности, особено ако сте физички активни.
Сува кожа
Еден од првите знаци на целосна дехидрација е сува и надразнета кожа која може да доведе до сериозни проблеми за целиот организам. Намаленото пиење вода значи и намалена можност телото да се поти, а со самото тоа и да се исфрлат насобраните токсини.
Потемна боја на урината
Побистра урина значи дека внесува повеќе течности. Ако урината е со потемна боја тоа значи дека би требало да пиете повеќе вода.
Не чувствувате потреба за мокрење
Во случај да не чувствувате потреба за мокрење, пиете премалку вода.
Напад на глад
Доколку среде ноќ почувствувате напад на глад, бидете сигурни дека сте дехидрирале. Консумација на храна без доволно течности го забавува метаболизмот и поттикнува создавање на масни резерви на телото. Заборавете на јадењето, напијте се чаша вода.
Суви очи
Суви и црвени очи се сигурен знак на дехидрација на телото. Неможноста на влажнење на очите особено ќе создаде проблеми кај луѓето кои носат контактни леќи.
