Римејкот на култниот филм „Ocean’s Eleven“ со целосно женска актерска екипа го освои светскиот боксофис уште во првиот викенд од прикажувањето. По само две недели беше симнат од врвот „Solo: A Star Wars Story“, најразочарувачкото остварување од сите филмови од оваа франшиза.
„Ocean’s Eleven“ заработи 41,5 милиони долари и тоа беше доволно за да се искачи на првото место на боксофисот во овој бавен филмски викенд.
Познатите имиња како Сандра Булок, Кејт Бланшет, Ријана и Ен Хатавеј ги привлекоа љубителите на филмови во киносалите и покажаа дека женската верзија на оваа франшиза може да биде поденакво успешна како онаа машката на режисерот Стивен Содерберг. Овој филм не само што имаше солидна заработка, туку и реакциите беа многу позитивни.
Најголемото разочарување овој месец во филмскиот свет е „Solo: A Star Wars Story“, кој иако беше пречекан со голема доза нетрпеливост, сепак доби многу критики од публиката и заработи тројно помалку отколку што се очекуваше.
Помеѓу Топ 10 филмовите се најдоа три новитети. Покрај „Ocean’s 8“, тука беа и „Hereditary“ кој заврши на четвртото место и „Hotel Artemis“ кој остана на осмото место.
Ова е Топ 10 листата на филмови со најголема заработка викендов:
- Ocean’s 8 – 41,5 милиони долари
- Solo: A Star Wars Story – 15,1 милиони
- Deadpool 2 – 13,6 милиони
- Hereditary – 13 милиони
- Avengers: Infinity War – 6,8 милиони
- Adrift – 5,05 милиони
- Book Club – 4,2 милиони
- Hotel Artemis – 3,1 милиони
- Upgrade – 2,2 милиони
- Life of the Party – 2,1 милиони