Министерот за здравств Венко Филипче преку неговиот официјален Facebook профил соопшти дека жените од Шуто Оризари ќе добијат гинеколог.
„Д-р Божидар Бошковски е искусен гинеколог, кој ќе се грижи за нивното здравје и ќе им биде на располагање на сите пациентки од оваа општина“, напиша Филипче.
Министерот понатаму вели дека овој проблем е решен и дека најважно е тоа што пациентките ќе можат навремено да ги извршуваат своите гинеколошки прегледи.
„Продолжуваме и понатаму да водиме грижа и вистинска здравствена политика за сите пациенти“, вели Филипче на крајот на објавата во која сподели фотографија од средбата со д-р Бошковски.