Првите состаноци се посебни од повеќе причини. Она што ќе го направите и ќе го кажете на првиот состанок условува дали ќе има втор останок.
Понекогаш навидум најмали ситници може да запалат црвено светло во главата на девојката и сите шанси да ви пропаднат во вода.
Не треба ни да нагласуваме дека треба да го оставите телефонот и да не висите на интернет, да не викате другари „да држат свеќа“ и најважно, да не гледате во други жени.
Жените советуваат дека овие девет работи се најголемите грешки што може да ги направите во разговорот на прв состанок.
Што сакаш да правиме?
Ако немаш план за вечерта оставаш впечаток дека немаш план што правиш со животот. Покажи иницијатива и потруди се. Дури и да не ѝ се допадне местото, барем си покажал дека си се потрудил.
Тука доаѓавме со бившата
Никаков муабет за бившите. Ни добро, ни лошо. Оваа вечер е за да се запознаете вие двајца. Ќе има време да зборувате за бившите, не се секирај.
Сакаш да делиме едно големо јадење?
И да не си гладен, остави ја девојката да си нарача што сака и колку сака. Непишаното правило е дека тој што викнал на состанок, тој плаќа, но може да покажеш олдскул џентлменски потег и да се понудиш да ја платиш сметката дури и ако те поканила таа. Ако инсистира, поделете ја сметката, ама остави добар бакшиш.
А да гледаме филм кај мене?
Прво, првиот состанок се одвива на неутрална територија каде може да се запознаете подобро. Второ, првата потточка не значи дека „планот“ е да дојде кај тебе дома првата вечер.
Изгледаш поинаку отколку на фотките на Instagram/Tinder/Facebook
Ок. Првиот впечаток е дека си ја манијачел интензивно на социјални мрежи, а вториот дека си површен.
