Johnnie Walker во пресрет на Денот на жената се придружи на глобалното движење за родова рамноправност и се реши овој ден да го одбележи со специјално издание наречено Jane Walker Black Label.
По скоро два века постоење, Johnnie Walker го промени ликот на етикетата.
Во периодот пред Денот на жената, Johnnie Walker го промени ликот на етикетата и на некои шишиња стави женски лик, наречен Jane Walker. Од компанијата тврдат дека не се работи за маркетиншки трик, туку за искрена поддршка на кампањата за родова рамноправност, „Keep Walking America“.
Jane Walker ќе биде во продажба почнувајќи од први март со препорачана цена од 34 долари за шише. Од секое продадено шише, еден долар ќе биде дониран на организациите кои се борат за правата на жените.
Иако беа нападнати од корисниците на социјални мрежи дека оваа одлука била „цинична и недолична“, сепак повеќето ја поздравија кампањата на компанијата, за која велат дека е добра за подигање на свеста на луѓето.