Францускиот актер Жерар Депардје е обвинет за силување и сексуален напад што наводно бил извршен во 2018 година против актерка која тогаш имала 20 години.
Првата истрага за обвиненијата за силување против Депардје (72), беше прекината поради недостаток на докази, но подоцна беше повторно отворена, што доведе до кривична пријава поднесена во декември, изјави вчера судски извор за AFP.
Истрагата за обвинувањата беше прекината во 2019 година, но актерката повторно ја отвори постапката, соопштија минатата година париските обвинители.
Адвокатот на Депардје изјави за AFP дека актерот, кој не бил лишен од слобода, но бил под судски надзор, „целосно ги отфрла обвинувањата“.
Според извор близок до изворот, Депардје е пријател на семејството на актерката која го обвинува за силување.